MOKGAHLO WA BASOMI BA TSHEPI WA AFRIKA BORWA(NUMSA) O THEKGA BEKE YA LEFASE KA BOPHARA KA MAGATO A TSEWANG KGAHLANONG LE MMUSO WA GO SE BE MOLAONG WA GO SE KGETHWE KE BATHO GA MMUSO WA KGOSI MZWATI.

5 September 2011

Ba Mokgahlo wa Basomi Batshepi wa Afrika Borwa(NUMSA) ba thekga ka mo go feleletsego beke ya lefase ka bophara ka magato a tsewang kgahlanong le mmuso wa Swaziland o eteletswego pele ke Mokgahlo wa Swaziland Democracy Campaign le mekgahlo ya basomi le bamphato ba yona lefaseng ka bophara.

Beke ya go tsewa ga magato lefaseng ka bophara e swanetswe go thekgwa ke mekgahlo ka moka ya go lwela diphetogo ka gare ga naga ya rena ya Afrika Borwa, ka ge re le kgauswi le naga ya Swaziland ebile rena le segwera seo se theilweng godimo ga mekgahlo ya go lwela diphetogo nageng ya Swaziland ka tlase ga boetapele bja PUDEMO nakong ya ge re lwela tokologo mo Afrika Borwa kgahlanong le mmuso wa kgethologanyo le puso ya majelathoko.

Segwera seo se godisitswe le go tiisetswa ke go ineela le go ikgafa ga masole a Lerumo la Setshaba(MK) ao a bolailwego nageng ya Swaziland bjalo ka Cde Mzwakhe Nyanda.

Re le ba mokgahlo wa tshepi wa Afrika Borwa(NUMSA) re fetisa thekgo go SDC le baagi ba naga ya Swaziland re swabile nko go feta molomo ka sepheto seo se tserwego ke mmuso wa rena wa ANC go ineela go thusa Kgosi Mzwati ka tshelete godimo ga mathata ao a ihloletsego ona.

Re tseba gabotse gore thuso ye ya maseleng e tlo somiswa bosaedi le go hola fela lapa la Kgosi Mzwati le basadi ba gagwe,ka go tsea maeto dinageng tsa ka ntle le go reka diphahlo tsa mabaibai tsa theko ya godimo,legatong la gore e somiswe go thusa ka dinyakwa tse bohlokwa tsa batho ba Swaziland bjalo ka tsakalafi le megolo ya basomi.

Sepheto sa mmuso wa rena wa Afrika Borwa go thusa Kgosi Mzwati ka ditshelete e tla dula e le lerumo dipelong tsa rena,ebile sepheto se se nnetefatsa seo se kileng sa bolelwa ke Moetapele wa ANC Oliver Tambo ge mmuso wa Mozambique o saena tumelelano ya Komati Accord le mmuso wa maloba wa kgethologanyo ka ngwga wa 1984 ge a re’Bongwaneso ba dutse tafoleng ba thaba,ba nyakalla le lenaba(phiri) leo le hloilwego ke baagi ba lefase ka bophara’.

Re le ba mokgahlo wa basomi batshepi wa Afrika Borwa re dira boipiletso go mokgahlo o busang wa ANC gore o busetse morago sephetho sa wona sa go thusa ka maseleng ao a dumeletswego ke kabinete ka go laela Panka ya Polokelo ya Afrika Borwa go re ba emisa ka magato afe kapa afe ao a ka bago a setse a tserwe.

Go busetsa morago ga thuso ye ya maseleng go tla busa seriti sa mokgahlo wa ANC kudukudu go bomphato ba yona le mekgahlo ya go lwela diphetogo nageng ya Swaziland,yeo e bonang mokgahlo wa ANC o ekile le go rekisa tshepo le segwera seo ba bego ba ikgantsha ka sona go mengwga ye mentsi ya go lwela tokologo mmogo.

Re le ba mokgahlo wa tshepi wa Afrika Borwa re ipilets go badudi le baagi ba naga ya Swaziland gore ba ikgomotse le go tsea maatla le mafolofolo go dipelaetso ka basomi,baswa, bagale le badiidi ba naga tsa Egepeta le Tunisia go gapeletsa Kgosi Mzwati go theeletsa le go neela maatla a puso go badudi ba Swaziland.